好多人做gym都會有個疑問’肌肉有冇極限?’ 我會話 心態決定一切。
有啲人追求嘅係肌肉嘅線條有啲人就追求肌肉嘅力量。係健美界，以前Dorian Yates被人稱為個個時期bodybuilding其中之一突破體型極限嘅表表者，但時至今天，健美界都好多人例如Big Ramy再一次show俾所有人知體型嘅極限可以去成點。另一方面係健力界，當所有人以為Eddie Hall係2016年deadlift 500kg世界紀錄已經係極限嘅時候，就係今年5月冰島巨人Hafthor Bjornsson做出deadlift 501kg創下新嘅世界紀錄。4年間話長唔長話短唔短，就係個1kg再一次證明肌肉係冇極限，每一個時期都不斷有人挑戰極限甚至超越左佢。
有冇極限係睇你個心態係點。理論上肌肉係冇極限嘅，但如果自己成日俾自己有藉口，咩瘦底唔會做得大隻吖，咁你根本冇push過自己。最重要嘅係每次埋到位嘅時候你都要好清楚究竟自己要啲咩，每次都要想做得比上一次好，咁自自然然你可以慢慢做到比之前重，慢慢你就不斷挑戰緊自己嘅極限。
講咁多經都只係想強調it’s all about your mindset，唔好set死自己嘅極限，唔好同自己講自己唔得。就算唔係世界紀錄，每次超越自己嘅極限都要諗自己仲有幾多貨，練野唔係練俾人嘅，練野係練俾自己嘅。
圖文:Jo
#kofgym #limit #training #body #muscle #strength #record #worldrecord #history #man #women #people #human #dream #strong #weakisachoice #訓練 #極限 #肌肉 #身體 #人 #歷史 #健美 #力量 #強壯 #全民變強 #夢想 #健力 #香港健身
Search